ताज्या घडामोडी :
Home » » अंदरसूल येथे महा-ई-सेवा केंद्राचे उद्घाटन

अंदरसूल येथे महा-ई-सेवा केंद्राचे उद्घाटन

Written By अविनाश पुंडलिकराव पाटील शिंदे on रविवार, २५ नोव्हेंबर, २०१२ | रविवार, नोव्हेंबर २५, २०१२

आजपर्यंत जनतेला उत्पन्नाचा दाखला, जातीचा दाखला, विविध उतारे यासारख्या शासकीय कामकाजासाठी तालुकास्तरावर जावे लागत होते, परंतु आता ती शासकीय सुविधा गावातच उपलब्ध झाली असून त्याचा फायदा घेण्याचे आवाहन तहसीलदार हरीश सोनार यांनी केले.
अंदरसूल येथे महा-ई-सेवा केंद्राचे उद्घाटन करण्यात आले यावेळी प्रमुख अतिथी म्हणून तहसीलदार हरीश सोनार बोलत होते. याप्रसंगी व्यासपीठावर माजी जिल्हा परिषद अध्यक्ष राधाकिसन सोनवणे, उपसभापती हरिभाऊ जगताप, माजी सभापती महेंद्र काळे, युवा नेते मकरंद सोनवणे, सरपंच मथुराबाई सोनवणे, किसन धनगे, ऍड. सुभाष सोनवणे, बाबुराव जाधव, सुदाम सोनवणे, भागीनाथ थोरात आदी उपस्थित होते. महा-ई-सेवा केंद्रातून मिळणार्‍या विविध दाखले व उतार्‍यांची माहिती यावेळी उपस्थितांना देण्यात आली व खासगी कंपन्यांचे मोबाईल, डिश टीव्ही रिचार्ज, पॅनकार्ड इंटरनेटची सेवा उपलब्ध करून दिली जाईल, असेही यावेळी सांगितले. विशेष म्हणजे यानंतर तहसील कार्यालयातील बरीचशी कामे गावातच होणार असल्याने नागरिकांचा पैसा व वेळ वाचणार असून त्रासही कमी होणार आहे. यावेळी चैताली गायकवाड यांना महा-ई-सेवा केंद्राचे प्रमाणपत्र सोनार यांनी प्रदान केले. तसेच कार्यक्रमासाठी आलेल्या सर्व मान्यवरांचा श्रीफळ व पुष्पहार देऊन सत्कार करण्यात आला.
याप्रसंगी मंडळ निरीक्षक वाघ, तलाठी गांगुर्डे परदेशी, कांतीलाल सोनवणे, रवी गायकवाड, बाळनाथ वाघचौरे, ग्रामपंचायत सदस्य योगेश जहागीरदार, नवनाथ सोनवणे, अमोल सोनवणे, मारुती सोनवणे, माजी सरपंच पुंडलिक जाधव, संदीप गाडे, भिमाशंकर वाघचौरे, विष्णू जेजुरकर, भिकाजी जाधव, सचिन कळमकर, सूर्यभान जगताप, जगन जगताप, विलास गाडे आदींसह मोठ्या संख्येने नागरिक हजर होते. सूत्रसंचालन प्रकाश साबरे यांनी केले.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity