येवल्याचे नगराध्यक्ष नीलेशभाई पटेल यांचा 12-12-12 चा अनोखा वाढदिवस विविध उपक्रमांनी साजरा करण्यात आला. या विशेष दिली ग्रामीण रुग्णालयात जन्म घेतलेल्या चार बालकांच्या शिक्षणाची पूर्णपणे जबाबदारी स्वत: नीलेशभाईंनी घेतल्याने बालकांच्या मातांनी समाधान व्यक्त केले.
12 तारखेला ना. शरदचंद्र पवार, खा. गोपीनाथ मुंडे व नगराध्यक्ष नीलेशभाई पटेल यांचा अनोखा वाढदिवस सर्वच ठिकाणी साजरा करण्यात आला. विशेष म्हणजे या दिनी येथील ग्रामीण रुग्णालयात 11 तारखेला रात्री 12 वाजुन 12 मिनीटांनी परवीन युनुस पठाण (रा. येवला) या महिलेने कन्यारत्नाला जन्म दिला, तसेच रात्री 12.20 वाजता अफसाना अहमद अन्सारी (रा. मिल्लतनगर, येवला) पहाटे 5.55 ला ज्योती बाळासाहेब राजुळे (रा. ताजपार्क, येवला) व सकाळी 7.5 वा. भारती दादासाहेब उकिरडे (रा. कोळम, ता. येवला) या महिलांनी मुलाला जन्म दिला. प्रसुत झालेल्या महिलांच्या घरची आर्थिक स्थिती बिकट आहे. त्यांचे पती मोलमजुरी करीत असल्याने नगराध्यक्ष नीलेशभाईंनी या मुलांच्या शिक्षणाची जबाबदारी घेतली आहे.