ताज्या घडामोडी :
Home » » नवरा सासू सासरा दिर यांना ८ वर्षांची सक्तमजूरी....

नवरा सासू सासरा दिर यांना ८ वर्षांची सक्तमजूरी....

Written By अविनाश पुंडलिकराव पाटील शिंदे on सोमवार, २८ जानेवारी, २०१३ | सोमवार, जानेवारी २८, २०१३

येवला - तालुक्यातील नागडे येथील चार महिन्यांच्या गर्भवती विवाहितेचा शारीरिक व मानसिक छळ करून तिला आत्महत्त्येस प्रवृत्त केल्या प्रकरणी निफाड सत्र न्यायालयाने सासरच्या चौघांना आठ वर्षे सक्तमजुरीची शिक्षा सुनावली आहे.
नागडे येथील चार महिन्यांची गर्भवती विवाहिता रमा बाबासाहेब धिवर हिने छळास कंटाळून गावातील विहिरीत आत्महत्त्या केली. या प्रकरणी रमाची आई रेखाबाई महाले (रा. वाघोळा, ता. वैजापूर) यांनी शहर पोलीस ठाण्यात रमाचा पती बाबासाहेब धिवर, सासरा प्रकाश धिवर, सासू लताबाई धिवर, दीर शरद धीवर, नणंद वैशाली झाल्टे व बाबासाहेब यांचा मावसभाऊ माणिक अहिरे यांच्याविरुद्ध फिर्याद दिली होती. शहर पोलिसांनी या प्रकरणी अधिक तपास करताना सबळ पुरावे जमा करून येवला न्यायालयात खटला पाठविला. सदर खटला निफाड सत्र न्यायालयात वर्ग झाला असता सरकारी अभियोक्ता व्ही. डी. गवांदे यांनी सरकारच्या वतीने बाजू मांडली. निफाड सत्र न्यायालयाने अहिरे व वैशाली यांना निर्दाेष ठरवत बाबासाहेब, प्रकाश, लता, शरद धिवर या चौघांना आठ वर्षांची सक्तमजुरीची शिक्षा सुनावली आहे.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity