ताज्या घडामोडी :
Home » » संत चरित्र डोळ्यांसमोर ठेवून वाटचाल करा!

संत चरित्र डोळ्यांसमोर ठेवून वाटचाल करा!

Written By अविनाश पुंडलिकराव पाटील शिंदे on रविवार, ३ फेब्रुवारी, २०१३ | रविवार, फेब्रुवारी ०३, २०१३

येवला  - संतांची भूमी म्हणून जगात हिंदुस्थानची ओळख आहे. संतांच्या विचारात शक्ती आणि ताकद आहे. त्यामुळे जगात हिंदुस्थानला महासत्ता बनविण्यासाठी संतांचे चरित्र डोळ्यांसमोर ठेवून वागल्यास आदर्श मानव घडवता येईल, असे प्रतिपादन गुरुमाऊली अण्णासाहेब मोरे यांनी येथे केले.
शहरातील स्वामी मुक्तानंद विद्यालयाच्या प्रांगणावर अखिल भारतीय श्री स्वामी समर्थ सेवा व अध्यात्मिक विकास मार्ग आयोजित सत्संग मेळावा व हितगुजाचा कार्यक्रम आयोजित करण्यात आला होता. यावेळी अण्णासाहेब मोरे यांनी उपस्थित सुमारे साडे पाच हजार सेवेकर्‍यांशी संवाद साधत हितगुज केले. मानवी जीवनातील विविध महत्त्वपूर्ण विषयांना स्पर्श केला. विवाहाविषयी बोलताना कुठलाही अनाठायी खर्च न करता साखरपुड्यातच लग्न करण्याचा सल्लाही मोरे यांनी दिला. अतिगंभीर आजारांवर आयुर्वेदिक तोडगे व उपाय माऊलींनी सांगितले. हिंदुस्थानला महासत्ता बनवायचे असेल तर शैक्षणिक अभ्यास क्रमांमध्ये कायद्याचे शिक्षण विद्यार्थ्यांना देणे आवश्यक असल्याचे सांगितले. आदर्श पिडी घडवायची असेल तर मुलांवर लहानपणापासून संस्कार करणे गरजेचे आहे. संत, स्वातंत्र्य सैनिक यांचे आदर्श डोळ्यांसमोर ठेवून आचरण केल्यास आदर्श नागरिक घडवता येतील, असे अण्णासाहेब मोरे यांनी प्रतिपादन केले.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity