ताज्या घडामोडी :
Home » » येवल्यात दिवसा घरफोडी; १४ तोळ्यांचे दागिने लंपास

येवल्यात दिवसा घरफोडी; १४ तोळ्यांचे दागिने लंपास

Written By अविनाश पुंडलिकराव पाटील शिंदे on रविवार, १० मार्च, २०१३ | रविवार, मार्च १०, २०१३

 येवला  - विंचूर रोडवरील पटेल कॉलनी येथील शैलेश शंकरराव आहेर यांचा घराचा कडी-कोयंडा तोडून चोरट्यांनी कपाटातील १४ तोळे सोन्याचे दागिने लंपास केले. ही घटना आज दुपारी १२ वाजेच्या दरम्यान घडली. भरदिवसा चोरी झाल्याने परिसरातील नागरिकांमध्ये घबराटीचे वातावरण निर्माण झाले आहे.

शैलेश आहेर हे पटेल कॉलनीत राहतात. ते कामानिमित्त सकाळी बाहेर पडले, तर पत्नी पंचायत समितीमध्ये नोकरीस असल्याने मिटिंगनिमित्त बाहेर गेल्या होत्या. दुपारी १ वाजता घरी आल्यानंतर घराचा कडी-कोयंडा तुटलेल्या अवस्थेत दिसून आला, तर कुलूप शेजारील कचरा कुंडीत पडलेले आढळून आले.

घरात प्रवेश करून खात्री केली असता बेडरुममधील कपाट उघडे होते, तसेच सामान अस्तव्यस्थ पडलेले होते. ही घटना पतीला फोनवरून सांगितली व घरी बोलावून घेतले. दोघांनी घरातील सामानांची खात्री केली असता पलंगावरील गादीखाली ठेवलेल्या चावीने कपाटाची उघडून लॉकरमधील कॅरीबॅगमध्ये ठेवलेले ५ तोळे सोन्याच्या चपला हार, २ पाटली, कानातील रींग जोड, १ नथ, १ नेकलेस असा एकूण चौदा तोळे सोने, तीन लाख ६२ हजार ५00 रुपये किंमतीचा मुद्देमाल चोरट्यांनी चोरून नेला. याप्रकरणी शहर पोलीस ठाण्यात घरफोडीचा गुन्हा दाखल करण्यात आला असून, अधिक तपास एपीआय पांडुरंग खेडकर, पो. ना. सांगळे, पो.ना. ठाकूर, आहेर, पगारे, शिंदे आदी करीत आहेत.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity