ताज्या घडामोडी :
Home » » रेंडाळे ग्रामपंचायतीला ठोकले ग्रामस्थांनी कुलूप

रेंडाळे ग्रामपंचायतीला ठोकले ग्रामस्थांनी कुलूप

Written By अविनाश पुंडलिकराव पाटील शिंदे on मंगळवार, १९ मार्च, २०१३ | मंगळवार, मार्च १९, २०१३

येवला- रेंडाळे (ता. येवला) येथील अकार्यक्षम ग्रामसेवक बागूल यांची तातडीने बदली करून नव्याने ग्रामसेवकाची नियुक्ती करण्यात यावी, या मागणीचे निवेदन पंचायत समितीचे गटविकास अधिकारी अजय जोशी यांना देऊन याबाबत दखल न घेतल्याने ग्रामस्थांनी ग्रामपंचायतीला आज सकाळी कुलूप ठोकले.

कुठल्याही योजनांचा प्रस्ताव हा पंचायत समितीकडे पाठविला जात नाही. सध्याच्या दुष्काळी परिस्थितीमुळे वाड्या-वस्त्यांवर पिण्याचा पाण्याची टंचाई निर्माण झाली आहे. टँकर सुरू करण्याबाबतचा प्रस्ताव अद्यापही तयार करण्यात आला नाही, तसेच ग्रा.पं. दप्तरी अनेक त्रुटी आढळल्या आहेत. त्यामुळे ग्रामसेवकाची बदली करून नवीन ग्रामसेवक द्यावा, या मागणीचे निवेदन सरपंच दत्तू देवरे व ग्रामस्थांनी गटविकास अधिकारी जोशी यांना दिले. याबाबत दखल न घेतल्याने ग्रामस्थांनी आज ग्रा.पं.ला कुलूप ठोकले. दिवसभरात कोणताही अधिकारी याठिकाणी फिरकला नाही. याप्रसंगी सरपंच दत्तू देवरे, सदस्य भागीनाथ गरुड, भाऊ साहेब, गरुड, चांगदेव थोरात, प्रभाकर गरूड, अनिल मुलतानी, o्रावण देवरे, संपत देवरे, भरत देवरे, तुकाराम मोरे आदींसह ग्रामस्थ उपस्थित होते.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity