ताज्या घडामोडी :
Home » » विजेच्या धक्क्याने कर्मचार्‍याचा मृत्यू

विजेच्या धक्क्याने कर्मचार्‍याचा मृत्यू

Written By अविनाश पुंडलिकराव पाटील शिंदे on शनिवार, ९ मार्च, २०१३ | शनिवार, मार्च ०९, २०१३

येवला - बाभुळगाव शिवारात विजेच्या खांबावर दुरुस्तीचे काम करत असताना अचानक वीजप्रवाह सुरु झाल्याने एका कर्मचार्‍याचा मृत्यू झाला. आज सकाळी दहा वाजेच्या सुमारास बाभुळगाव शिवारात येवला ते नगरसूल मेनलाईन एसी स्वीच नादुरुस्त होता. पाटोदा रोडवरील पॉवर हाऊस येथून वायरमन मनोज आवटे यांनी वीज प्रवाह बंद केल्याचे फोनवरुन सांगितले. वीज कंपनीचे कर्मचारी योगेश साहेबराव गायकवाड (वय २३, रा. धामोडे, ता. येवला) हे विजेच्या खांबावर दुरुस्तीच्या कामासाठी चढले. सोबत असलेला दुसरा कर्मचारी सतिष धमाजी गायकवाड (वय ३५, रा. अनकुटे) हे दुरुस्तीसाठी लागणारे साहित्य आणण्यासाठी जवळच असलेल्या वस्तीवर गेले असता अचानक वीज प्रवाह सुरु झाल्याने योगेश गायकवाड यांना विजेचा धक्कालागून तो खाली पडला. त्याच्या डोक्यास चॅनल लागल्याने त्यांचा जागीच मृत्यू झाला. याबाबत शहर पोलीस ठाण्यात अकस्मात मृत्यूची नोंद करण्यात आली असून अधिक तपास निरीक्षक श्रावण सोनवणे, हवालदार बापू शिंदे, चेतन बागूल करीत आहेत
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity