ताज्या घडामोडी :
Home » » होमिओपॅथिक समितीतर्फे मंत्र्यांचा निषेध

होमिओपॅथिक समितीतर्फे मंत्र्यांचा निषेध

Written By अविनाश पुंडलिकराव पाटील शिंदे on मंगळवार, ३१ डिसेंबर, २०१३ | मंगळवार, डिसेंबर ३१, २०१३

येवला - बॉम्बे होमिओपॅथिक प्रॅक्टिशनर अँक्ट 1959 मधील 'ओन्ली' हा शब्द काढण्यासाठीचा प्रस्ताव मंत्रिमंडळाच्या बैठकीत सादर होण्यापूर्वीच त्यास
तीन मंत्र्यांनी अनौपचारिक चर्चेप्रसंगी विरोध दर्शविला. राज्य होमिओपॅथिक डॉक्टर्स कृती समितीने सोमवारी प्रांताधिकारी रामसिंग सुलाणे यांना निवेदन सादर करून त्या तीन मंत्र्यांच्या भूमिकेचा निषेध नोंदविला.राज्यातील 60 हजार होमिओपॅथिक डॉक्टरांना अँलोपॅथीची परवानगी देण्यासंदर्भातील प्रस्तावाला राज्यमंत्री मंडळातील डॉ. विजयकुमार गावित, राजेंद्र दर्डा, सुरेश शेट्टी यांनी विरोध दर्शविला आहे. परिणामी मंत्रिमंडळाच्या बैठकीत हा विषय मांडण्यात आला नाही. नागपूरच्या हिवाळी अधिवेशनावर 19 डिसेंबर रोजी होमिओपॅथी डॉक्टरांनी 'अर्धनग्न मोर्चा' काढला होता. या वेळी मुख्यमंत्री पृथ्वीराज चव्हाण यांनी मंत्रिमंडळाच्या बैठकीत सदरचा प्रस्ताव सादर करण्याचे आश्वासन दिले होते. मात्र, प्रत्यक्षात कार्यवाही करण्यास अडचणीनिर्माण केल्या जात असल्याचा आरोप निवेदनाद्वारे करण्यात आला आहे.
Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity