ताज्या घडामोडी :
Home » » हक्काच्या घरासाठी आज येवल्यात उपोषण

हक्काच्या घरासाठी आज येवल्यात उपोषण

Written By अविनाश पुंडलिकराव पाटील शिंदे on रविवार, २३ फेब्रुवारी, २०१४ | रविवार, फेब्रुवारी २३, २०१४

येवला ( प्रतिनिधी ) - इंदिरा आवास योजनेतून घरकुल मिळण्यास पात्र असून
ही ग्रामसेवक, गटविकास अधिकारी यांनी संगनमत करून आपल्याला घरकूल मिळून
नये असा कट केला असा आरोप करत पाटोदा येथील भूमिहिन मजूर कैलास बबन इघे,
बबन दगडू इघे, गणेश बळीराम बैरागी, सिंधूबाई बळीराम बैरागी यांनी आता
आमरण उपोषणाचे हत्यार उपसले आहे. आज पासून ते येवला तहशिल कार्यालय
आवारात उपोषणास बसत आहेत. सदर लाभापासून वंचित ठेवण्यासाठी पाटोदा
ग्रामपंचायतीने ही ह्या शेतमजुरांवर अन्याय केला आहे. इघे आणि बैरागी
कुटुंब ४० वर्षांपासून गावाचे रहिवासी असून सध्या हे मजुर पाटोदा येथे
रस्त्याच्या कडे ला झोपडी बांधून दयनीय अवस्थेत राहत आहेत. सध्याच्या
राहत्या जागेवर आपल्याला घरकूल बांधून मिळावे अशी त्यांची मागणी आहे.
गावात अनेक अपात्र असताना लोकांनी घरकूल योजनेचे लाभ मिळाले असून खर्‍या
गरजवंताना शासनाने यापासून या योजने पासून दूर ठेवून आपल्यावर अन्याय
केला आहे. अन्याय दूर होई उपोषण मागे घेतले जाणार नाही. आम आदमी पार्टीने
या उपोषणास जाहीर पाठींबा दिला आहे.
"आम आदमी पक्ष आपल्या पातळीवरून सदर प्रश्न सोडविण्यासाठी प्रयत्न करणार
आहे. केवळ इघे आणि बैरागी कुटुंबीयच नव्हे तर तालुक्यात ज्या ज्या पात्र
लाभार्थांना शासकीय योजना मधून अपात्र ठरविण्यात आले आहे त्यांच्या
पाठीशी आम आदमी पक्ष ठामपणे उभा राहील...- भागवत सोनवणे, संयोजक , येवला
विधानसभा, आम आदमी पार्टी .
Share this article :
मित्रानो ….
गेले सहा वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity