ताज्या घडामोडी :
Home » » रमजान ईद उत्साहात साजरी

रमजान ईद उत्साहात साजरी

Written By अविनाश पुंडलिकराव पाटील शिंदे on गुरुवार, ३१ जुलै, २०१४ | गुरुवार, जुलै ३१, २०१४

येवला (प्रतिनिधी) - विश्‍वशांतीसाठी प्रार्थना व मानवेतचा संदेश देत
शहरात रमजान ईद उत्साहात साजरी करण्यात आली. लक्कडकोट परिसरातील ईदगाह
मैदान येथे सकाळी साडेनऊ वाजता सामूहिक नमाज अदा करून मुस्लिम बांधवांनी
एकमेकांना ईदच्या शुभेच्छा दिल्या. यावेळी ना.जि.म बँकेचे संचालक
माणिकराव शिंदे, म्हाडाचे विभागीय अध्यक्ष नरेंद्र दराडे, संभाजी पवार
,नगरसेवक प्रदिप सोनवणे,दिपक लोणारी,राजकुमार लोणारी यांनीही मुस्लिम
बांधवांना शुभेच्छा दिल्या.
मुस्लिम बांधवांना शुभेच्छा देण्यासाठी तहसीलदार शरद मंडलीक ,नगरपालिकेचे
मुख्याधिकारी डॉ.मेनकर, आदी उपस्थित होते
प्रेम आणि बंधुभावाचे प्रतीक असलेल्या ईद सणानिमित्त शहरातील विविध
मशिदीत नमाज अदा करण्यात आली. लक्कडकोट ईदगाह मैदान येथे नमाज अदा केली.
त्यानंतर शहर काजी रफिओद्दिन यांनी परमेश्‍वरा सर्वांना आशीर्वाद दे.
सर्व धर्मीयांत बंधुभाव ठेव. देशाची अखंडता व शांतता कायम ठेव, असे म्हणत
विश्‍वशांतीसाठी प्रार्थना केली.
पावसाच्या वातावरणामुळे शहरातील बहुतेक मुस्लिम बांधवांनी मशिदीमध्ये
नमाज अदा केली.
शहरात ठिकठिकाणी मुस्लिम बांधवांना ईदच्या शुभेच्छा देणारे डिजिटल बोर्ड
लावण्यात आले होते. शहरातील पुर्व भागात ईदनिमित्त उत्साहाचे वातावरण
होते.
नवीन वस्त्र परिधान करुन अबालवृद्धांनी गळाभेट घेवून एकमेकांना शुभेच्छा
दिल्या. तसेच मित्रपरिवारांना शिरखुर्मा व फराळासाठी निमंत्रित केले
होते. मिष्ठान्न पदार्थ, मावा, सुकामेवा, दूध, सेवया आदी साहित्याची
मोठय़ा प्रमाणात विक्री झाली. यावेळी शहर पोलिसांनी चोख बंदोबस्त ठेवला
होता.
Share this article :
मित्रानो ….
गेले सहा वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity