ताज्या घडामोडी :
Home » » वितरीका २९ वरील बंधारे भरुन देण्याचे आदेश

वितरीका २९ वरील बंधारे भरुन देण्याचे आदेश

Written By अविनाश पुंडलिकराव पाटील शिंदे on गुरुवार, २० सप्टेंबर, २०१८ | गुरुवार, सप्टेंबर २०, २०१८








वितरीका २९ वरील बंधारे भरुन देण्याचे आदेश
 येवला : प्रतिनिधी
पालखेड डावा कालव्याचे आवर्तन सुरु होऊन तीन आठवडे उलटूनही पाणी मिळत नसल्याने पुरणगाव, जळगाव नेऊर, नेवरगाव, पिंपळगाव लेप येथील शेतकर्‍यांनी पंचायत समितीचे माजी सभापती संभाजीराजे पवार यांच्याकडे कैफियत मांडली. पवार यांनी तत्काळ कालवा अभियंता भागवत यांच्याशी संपर्क साधून त्वरीत पाणी सोडण्याची मागणी केली. या मागणीला सकारात्मक प्रतिसाद देत अभियंता भागवत यांनी तत्काळ वितरीका क्र. २९ वरील बंधारे भरुन देण्यासाठी पाणी सोडण्याचे आदेश दिले.
पाणी सोडल्याने पिकांना काही प्रमाणात दिलासा मिळणार आहे. काही शेतकर्‍यांनी पाटावर जाऊन त्यांनी वितरीका क्र. २९ चे गेट खुले केले व वितरीका २९ वरील सर्व बंधारे भरुन घेण्यासाठी पाणी सोडले. यावेळी तुकाराम शिंदे, नंदू झांबरे, विकास ठोंबरे, रावसाहेब ठोंबरे, गणेश पाटील, माणिक रसाळ, साहेबराव दौंडे, गणपतराव काळे, गणपतराव ठोंबरे, साखरचंद सौंदाणे, बाळासाहेब सौंदाणे, सुधाकर ठोंबरे आदी शेतकरी उपस्थित होते.

Share this article :
मित्रानो ….
गेले सात वर्षांपासून आपल्या सेवेत असलेली व मागील काही कालावधीत तांत्रिक कारणाने अपडेट नसलेली येवला शहर व तालुक्यातील बातमीपत्रे इंटरनेटवर झळकवणारी वेबसाईट येवलान्यूज.कॉम (www.yeolanews.com) आता नियमीत अपडेट होत आहे.
येवला तालुक्यातील विविध संस्था , शाळा , व्यक्ती यांना आवाहन करण्यात येते कि आपल्याकडील बातमीचे फोटो, व्हिडीओ व टाईप केलेला मजकूर व्हॉटसअपवर 9370199666 किंवा 8308559666 यावर अवश्य पाठवावा.

ऑनलाईन दर्शक

 
Template Design by Creating Website Published by Siddhiyug Publicity